انا بشوف انى كلمة بحبك ده كلمه كبيره اوى لما ولد يقولها لبنت او العكس لان بحبك كلمه مختلفه عن معجب بيكى او مستلطفك.
بحبك يعنى عايز اكمل معاكى حياتى وشايف فيكى صفات الانسانه اللى عايزاها معايا فى مستقبلى ,كلمة بحبك كلمه مقدسه ووعد وعهد بيقطعوا الحبيب والحبيبه على نفسهم بالاخلاص وانهم يبذلوا كل جهدهم علشان يكونوا مع بعض ويتحدوا ظروفهم والعالم كله.
بحبك مش كلمه سهله لازم نحسب لها الف حساب ياما شهور وسنين ضاعت من عمر ناس علشان معملوش حساب الكلمه ده,مقدسوهاش وهى حقيقى كلمه تستحق التقديس.
انا كل اللى حساه اننا مش لازم نلوث الحب باعمالنا وتهورنا ولا نضيع قدسية الكلمه ده.
واكيد كل انسان بيجيلوا الحب فى حياتوا ,عن نفسى معتقدش انه بييجى اكتر من مره,وهى المره يا تحسبها صح وتاخد بالك يا تخسر اجمل مشاعر فى الدنيا.
انا معرفش اذا كانت مقولة مراية الحب عاميه صح ولا لا ولا مؤمنه بان قوانين الحب جامحه تختلف عن قوانين العقل بالعكس الحب بينظم حياتنا وبيحلى أيامنا ولو بنحب صح هنفكر صح وهنشتغل صح .
ده تقريبا كل اللى انا اعرفه وحساه ومؤمنه بيه فى الموضوع ده.
بس يا ترى انتوا مؤمنين بايه وشايفين الحب ازاى؟؟؟؟
الإثنين أغسطس 27, 2007 1:43 pm